തിരുവനന്തപുരം: ഹൈദരലി തങ്ങളെ കുഞ്ഞാലിക്കുട്ടി വഞ്ചിച്ചുവെന്ന കെ.ടി ജലീലിന്‍റെ ആരോപണങ്ങൾ മറുപടി അർഹിക്കുന്നില്ലെന്ന് പി.കെ കുഞ്ഞാലിക്കുട്ടി. കെ.ടി ജലീലിന്‍റെ ആരോപണങ്ങൾക്ക് പാർട്ടിയിലുള്ള മറ്റാരെങ്കിലും മറുപടി പറയുമെന്നും കുഞ്ഞാലിക്കുട്ടി പറഞ്ഞു. ജനകീയ വിഷയങ്ങൾ സംസാരിക്കാനാണ് പ്രതിപക്ഷ ഉപനേതാവ് എന്ന നിലയിൽ മാധ്യമങ്ങളെ കാണുന്നതെന്നും ആരെങ്കിലും പ്രശസ്തിക്കുവേണ്ടി പറയുന്നതിന് മറുപടി പറയുന്നില്ലെന്നും കുഞ്ഞാലിക്കുട്ടി മാധ്യമങ്ങളോട് പറഞ്ഞു.
Also read: ഹൈദരലി തങ്ങളെ പി.കെ. കുഞ്ഞാലിക്കുട്ടി വഞ്ചിക്കുകയാണെന്ന് കെ.ടി. ജലീൽ
ചന്ദ്രിക ദിനപത്രത്തിന്‍റെ പേരിൽ കള്ളപ്പണ ഇടപാട് നടത്തി ഹൈദരലി തങ്ങളെ പി.കെ. കുഞ്ഞാലിക്കുട്ടി വഞ്ചിക്കുകയാണെന്നും തങ്ങളെയും കുടുംബത്തെയും ചതിക്കുഴിയിൽ വീഴ്‌ത്താൻ കുഞ്ഞാലിക്കുട്ടി ശ്രമിച്ചെന്നുമായിരുന്നു കെ.ടി ജലീൽ എം.എൽ.എ ആരോപിച്ചത്.
