തിരുവനന്തപുരം: സംസ്ഥാനത്ത് പരമോന്നത പുരസ്കാരങ്ങള് വരുന്നു. പത്മ പുരസ്‌കാരങ്ങളുടെ മാതൃകയില്‍ 'കേരള ജ്യോതി', 'കേരള പ്രഭ', 'കേരള ശ്രീ' എന്നീ നാമധേയത്തിലാണ് പുതിയ പുരസ്‌കാരം. ആദ്യ പുരസ്‌കാര വിതരണം ഈ വര്‍ഷം നവംബര്‍ ഒന്നിന് നടക്കുമെന്ന് മുഖ്യമന്ത്രി വാര്‍ത്താസമ്മേളനത്തില്‍ അറിയിച്ചു.
കേരള ശ്രീ അഞ്ച് പേര്‍ക്കും കേരള പ്രഭ രണ്ട് പേര്‍ക്കും കേരള ജ്യോതി ഒരാള്‍ക്കുമായിരിക്കും നല്‍കുക. എല്ലാ വര്‍ഷവും ഏപ്രിലില്‍ പൊതുഭരണ വകുപ്പ് നാമനിര്‍ദേശം ക്ഷണിക്കും. നവംബര്‍ ഒന്നിന് രാജ്ഭവനില്‍ നടക്കുന്ന ചടങ്ങിലാണ് പുരസ്‌കാരദാനം.
