തിരുവനന്തപുരം: കൊവിഡ് വ്യാപനത്തെ നേരിടാൻ കേരളത്തിൽ ഏർപ്പെടുത്തിയ ലോക്ക് ഡൗണിൽ ഭക്ഷ്യക്ഷാമം ഉണ്ടാകില്ലെന്ന് ഭക്ഷ്യ സിവിൽ സപ്ലൈസ് മന്ത്രി പി തിലോത്തമൻ ഇടിവി ഭാരതിനോട് പറഞ്ഞു. നിലവിൽ ആശങ്കപ്പെടേണ്ട സാഹചര്യമില്ല. സംസ്ഥാനത്തെ എഫ് സി ഐ ഗോഡൗണുകളിൽ ആറു മാസത്തേക്കുള്ള ഭക്ഷ്യ ധാന്യങ്ങൾ സ്റ്റോക്കുണ്ട്.കൂടാതെ ഇ - ഓപ്ഷൻ വഴി ഭക്ഷ്യധാന്യങ്ങൾ ശേഖരിക്കാൻ സിവിൽ സപ്ലൈസ് കോർപ്പറേഷന് നിർദേശം നൽകിയതായും മന്ത്രി അറിയിച്ചു.
ലോക്ക് ഡൗൺ; ഭക്ഷ്യക്ഷാമം ഉണ്ടാകും എന്ന ആശങ്ക വേണ്ടെന്ന് പി തിലോത്തമൻ
ഭക്ഷ്യ സാധനങ്ങൾ കയറ്റിയ ലോറികളും ട്രക്കുകളും സുഗമമായി മറ്റു സംസ്ഥാനങ്ങളിൽ എത്തുന്നുണ്ട്. അതിൽ എന്തെങ്കിലും തടസമുണ്ടായാൽ റെയിൽവേയുടെ സഹായത്തോടെ ഗുഡ്സ് ട്രെയിനിൽ ഭക്ഷ്യവസ്തുക്കൾ എത്തിക്കും എന്നും മന്ത്രി പി തിലോത്തമൻ കൂട്ടിച്ചേർത്തു.
