തിരുവനന്തപുരം: കേരളത്തിന്‍റെ ജനാധിപത്യ മതനിരപേക്ഷ മൂല്യങ്ങൾക്ക് ഒട്ടനവധി സംഭാവനകള്‍ നല്‍കിയ ആത്മീയാചാര്യനായിരുന്നു മാര്‍ത്തോമ്മാ സഭ മുന്‍ അധ്യക്ഷന്‍ ഡോ. ഫിലിപ്പോസ് മാര്‍ ക്രിസോസ്റ്റം വലിയ മെത്രാപ്പൊലീത്തയെന്ന് സിപിഎം നേതാവ് എ.കെ. ബാലന്‍. അദ്ദേഹത്തിന്‍റെ സാന്നിധ്യവും വാക്കുകളും ജനങ്ങളില്‍ അതിയായ സന്തോഷം നിറച്ചിരുന്നെന്നും കേരള ജനതയുടെ ദുഃഖത്തില്‍ പങ്കുചേരുന്നതായും ബാലന്‍ അനുശോചന സന്ദേശത്തില്‍ പറഞ്ഞു. രണ്ടാഴ്ച മുമ്പാണ് കൊവിഡ് സ്ഥിരീകരിച്ചതിനെതുടർന്ന് മെത്രാപ്പൊലീത്തയെ തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചത്. ഇന്ന് പുലർച്ചെ 1.15ന് മരണം സ്ഥിരീകരിച്ചു.
കൂടുതൽ വായിക്കാന്‍: ചിരിയുടെ വലിയ തമ്പുരാൻ വിടവാങ്ങി : ഫിലിപ്പോസ് മാർ ക്രിസോസ്റ്റം വലിയ മെത്രാപ്പോലിത്ത ഓർമ്മയായി
