അന്തരീക്ഷ മലിനീകരണത്തിന് വിട! ഇലക്ട്രിക്ക് ഓട്ടോകൾ നിരത്തിലിറങ്ങും

വ്യവസായ വകുപ്പിന് കീഴിലുള്ള കേരളാ ഓട്ടോ മൊബൈല്‍സ് ലിമിറ്റഡാണ് ഇ-ഓട്ടോ 'നീം ജി' നിര്‍മിച്ചിരിക്കുന്നത്.

തിരുവനന്തപുരം: അ​ന്ത​രീ​ക്ഷ​ മ​ലി​നീ​ക​ര​ണ​ത്തി​നും ഇ​ന്ധ​ന​ച്ചെ​ല​വുകൾക്കും​ പരിഹാരമായി സംസ്ഥാനത്തേ ആദ്യ ഇലക്ട്രിക്ക് ഓട്ടോറിക്ഷ ഇന്ന് അനന്തപുരയുടെ നിരത്തുകളിൽ ഇറങ്ങും. തിരുവനന്തപുരത്ത് രാവിലെ നടക്കുന്ന ചടങ്ങിൽ സ്പീക്കർ പി. ശ്രീരാമകൃഷ്ണൻ ഇലക്ട്രിക്ക് ഓട്ടോറിക്ഷ ഉദ്ഘാടനം ചെയ്യും. 10 ഇലക്ട്രിക് ഓട്ടോകളിൽ എംഎൽഎമാരെ കയറ്റി നിയമസഭയിൽ എത്തിച്ചാണ് വേറിട്ട രീതിയിൽ ഉദ്ഘാടനം നടത്തുക. സം​സ്ഥാ​ന പൊ​തു​മേ​ഖ​ലാ സ്ഥാ​പ​ന​മാ​യ കേ​ര​ള ഓ​ട്ടോ​മൊ​ബൈ​ൽ​സ് ലി​മി​റ്റ​ഡി​ന്‍റെ നെ​യ്യാ​റ്റി​ൻ​ക​ര പ്ലാ​ന്‍റി​ലാ​ണ് ഇ​ല​ക്‌​ട്രി​ക്ക് ഓ​ട്ടോ​യു​ടെ നി​ർ​മാ​ണം.​ ജൂ​ൺ മാ​സ​ത്തി​ലാ​ണ് വാ​ണി​ജ്യാ​ടി​സ്ഥാ​ന​ത്തി​ൽ ഇ-​ഓ​ട്ടോ നി​ർ​മി​ക്കാ​നു​ള്ള കേ​ന്ദ്രാ​നു​മ​തി കെ​എ​എ​ല്ലി​ന് ല​ഭി​ച്ച​ത്. ഒ​രു വ​ർ​ഷ​ത്തി​ന​കം 15,000 ഓ​ട്ടോ​ക​ൾ നി​ര​ത്തി​ലി​റ​ക്കാ​നാ​ണ് ക​മ്പ​നി​യു​ടെ ല​ക്ഷ്യം. 'കേ​ര​ള നീം ​ജി' എ​ന്നാ​ണ് ഓട്ടോയു​ടെ പേ​ര്.

ഇ​ന്ധ​ന​ച്ചെ​ല​വി​ന് ഏറ്റവും കുറഞ്ഞ രീതിയിലാണ് ഓട്ടോയുടെ നിർമാണം. ഒ​രു കി​ലോ​മീ​റ്റ​ർ ഓ​ടാ​ൻ കേ​വ​ലം 50 പൈ​സ​യാ​ണ് ചെ​ല​വ് വരുക. ​ഒ​റ്റ ത​വ​ണ​ത്തെ റീ​ച്ചാ​ർ​ജി​ൽ 100 കി​ലോ​മീ​റ്റ​റാ​ണ് ക​മ്പ​നി വാ​ഗ്ദാ​നം ചെ​യ്യു​ന്ന​ത്.​ കൂടാതെ ശ​ബ്‍ദ​മ​ലി​നീ​ക​ര​വ​ണ​വും കാ​ര്‍ബ​ണ്‍ മ​ലി​നീ​ക​ര​ണ​വും കു​റ​വാ​യി​രി​ക്കുമെന്നും ഓട്ടോ മൊബൈൽ ലിമിറ്റഡ് ചെയർമാൻ പറയുന്നു.

ര​ണ്ട് ലക്ഷത്തി എഴുപ്പത്തി അയ്യായിരം രൂ​പ​യാ​ണ് വാ​ഹ​ന​ത്തി​ന്‍റെ വി​ല. സ​ബ്‌​സി​ഡി കൂ​ടി ല​ഭി​ക്കു​ന്ന​തോ​ടെ ര​ണ്ട്​ല​ക്ഷ​ത്തി​ന് വി​പ​ണി​യി​ല്‍ വി​ല്‍ക്കാ​നാ​കു​മെ​ന്ന് പ്ര​തീ​ക്ഷിക്കുന്നതായി അധികൃതർ പറയുന്നു. അ​ന്ത​രീ​ക്ഷ​മ​ലി​നീ​ക​ര​ണ​ത്തി​ന്‍റെ പേ​രി​ൽ നി​യ​ന്ത്ര​ണം ശ​ക്ത​മാ​കു​മ്പോ​ൾ ഇ​ല​ക്ട്രി​ക് വാ​ഹ​ന​ങ്ങ​ൾ​ക്ക് വ​ലി​യ സാ​ധ്യ​ത​യു​ണ്ടാകുമെന്ന പ്രതീക്ഷയിലാണ് ഓട്ടോ മൊബൈൽ ലിമിറ്റഡ് ഗ്രൂപ്പ്.

കാ​ഴ്‍ച​യി​ലും വ​ലി​പ്പ​ത്തി​ലും സാ​ധാ​ര​ണ ഓ​ട്ടോ​റി​ക്ഷ​ക​ളെ​പ്പോ​ലെ ത​ന്നെ​യാ​ണ് കേ​ര​ള നീം​ജി​യും. പി​റ​കി​ല്‍ മൂ​ന്ന് പേ​ര്‍ക്ക് ഇ​രി​ക്കാം. ജ​ര്‍മ​ന്‍ സാ​ങ്കേ​തി​ക​വി​ദ്യ​യി​ല്‍ ത​ദ്ദേ​ശീ​യ​മാ​യി നി​ര്‍മി​ച്ച ബാ​റ്റ​റി​യും ര​ണ്ട് കെ ​വി മോ​ട്ടോ​റു​മാ​ണ് ഉ​പ​യോ​ഗി​ക്കു​ന്ന​ത്. ബാ​റ്റ​റി പൂ​ർ​ണ​മാ​യി ചാ​ർ​ജാ​വാ​ൻ നാ​ലു മ​ണി​ക്കൂ​റി​ൽ താ​ഴെ സ​മ​യം മ​തി.​ സാ​ധാ​ര​ണ ത്രീ ​പി​ന്‍ പ്ല​ഗ് ഉ​പ​യോ​ഗി​ച്ചും ബാ​റ്റ​റി റീ​ച്ചാ​ര്‍ജ് ചെ​യ്യാം.

സ​ർ​ക്കാ​രി​ന്‍റെ ഇ-​വെ​ഹി​ക്കി​ൾ ന​യ​ത്തി​ന്‍റെ ഭാ​ഗ​മാ​യാ​ണ‌് ഇ-​ഓ​ട്ടോ വ​രു​ന്ന​ത‌്.​ പ​രീ​ക്ഷ​ണ അ​ടി​സ്ഥാ​ന​ത്തി​ല്‍ നി​ര്‍മ്മി​ച്ച ഇ​ല​ക്‌​ട്രി​ക്ക് ഓ​ട്ടോ വി​ശ​ദ​മാ​യ പ​രി​ശോ​ധ​ന ന​ട​ത്തി​യ ശേ​ഷ​മാ​ണ് വാ​ണി​ജ്യ അ​ടി​സ്ഥാ​ന​ത്തി​ല്‍ ഉ​ത്പാ​ദി​പ്പാ​ക്കാ​നു​ള്ള അ​നു​മ​തി ല​ഭി​ച്ച​ത്.

ഇ​ല​ക്‌​ട്രി​ക്ക് ഓ​ട്ടോ​റി​ക്ഷ​യ്ക്ക് പി​ന്നാ​ലെ ഇ​ല​ക്‌​ട്രി​ക്ക് ബ​സു​ക​ളു​ടെ നി​ര്‍മ്മാ​ണ​രം​ഗ​ത്തേ​ക്കും കേ​ര​ള ഓ​ട്ടോ​മൊ​ബൈ​ല്‍സ് ചു​വ​ടു​വെ​യ്ക്കും. തകർന്നടിഞ്ഞ കേരളാ ഓട്ടോമൊബൈലിനെ ഇലക്ടിക് ഓട്ടോയുടെ വിപണത്തിലൂടെ തിരികെ കൊണ്ട് വരാനാകുമെന്ന് കേരളാ ഓട്ടോമൊബൈൽ ലിമിറ്റഡ് ചെയർമാൻ ഹരിയും മറ്റ് ജീവനക്കാരും പറയുന്നു.