കളമശ്ശേരി മെഡിക്കൽ കോളജിലെ കൊവിഡ് പ്രതിരോധ പ്രവർത്തനങ്ങൾ താളം തെറ്റിയിട്ടില്ലെന്ന് വി.എസ് സുനിൽകുമാർ

വിഷയത്തെ രാഷ്ട്രീയമായി ദുരുപയോഗം ചെയ്യുന്നത് ശരിയല്ല. മൂന്ന് മാസങ്ങൾക്കു ശേഷം എന്തിനാണ് വിവാദമുയർത്തുന്നതെന്നറിയില്ല.

തിരുവനന്തപുരം: കളമശ്ശേരി മെഡിക്കൽ കോളജിലെ കൊവിഡ് പ്രതിരോധ പ്രവർത്തനങ്ങൾ താളം തെറ്റിയിട്ടില്ലെന്ന് മന്ത്രി വി.എസ് സുനിൽകുമാർ. വിഷയത്തെ രാഷ്ട്രീയമായി ദുരുപയോഗം ചെയ്യുന്നത് ശരിയല്ല. മൂന്ന് മാസങ്ങൾക്കു ശേഷം എന്തിനാണ് വിവാദമുയർത്തുന്നതെന്നറിയില്ല.

വീഴ്ച സംഭവിച്ചിട്ടുണ്ടെങ്കിൽ സർക്കാർ മുഖം നോക്കാതെ നടപടിയെടുക്കും. സർക്കാർ ആരെയും സംരക്ഷിക്കില്ല. ആരോപണങ്ങളെ ഗൗരവമായി തന്നെയാണ് സർക്കാർ കാണുന്നതെന്നും വിദഗ്ദ സംഘം ആരോപണങ്ങൾ പരിശോധിക്കുമെന്നും വി.എസ് സുനിൽ കുമാർ പറഞ്ഞു.