തിരുവനന്തപുരം: മാധ്യമ പ്രവർത്തകർക്കെതിരായ ആക്രമണം തടയാൻ സംസ്ഥാനം നിയമം കൊണ്ടുവരണമെന്ന് പ്രതിപക്ഷ നേതാവ് രമേശ് ചെന്നിത്തല. മാധ്യമ പ്രവർത്തകർക്കെതിരായ ആക്രമണങ്ങൾ വർദ്ധിക്കുന്നു. മഹാരാഷ്ട്ര സർക്കാർ മാധ്യമ പ്രവർത്തകർക്കെതിരായ അക്രമം തടയാൻ നിയമ നിർമാണം നടത്തിയിട്ടുണ്ട്. ആ മാതൃകയിൽ സംസ്ഥാനത്തും നിയമം കൊണ്ടുവരണമെന്ന് ചെന്നിത്തല സബ്‌മിഷനിലൂടെ ആവശ്യപ്പെട്ടു.
എന്നാൽ മാധ്യമ പ്രവർത്തകർക്കെതിരായ അക്രമങ്ങൾ തടയാൻ നിയമം പാസ്സാക്കേണ്ടത് കേന്ദ്ര സർക്കാരാണെന്ന് മുഖ്യമന്ത്രി മറുപടി നൽകി. ആവശ്യമെങ്കിൽ നിയമസഭയിൽ പ്രമേയം പാസ്സാക്കാമെന്നും മുഖ്യമന്ത്രി പറഞ്ഞു.
