രാജ്യസഭ തെരഞ്ഞെടുപ്പ് : നാമനിർദേശ പത്രിക സമർപ്പിച്ച് ജെബി മേത്തർ

പത്രിക നൽകിയത് നിയമസഭ സെക്രട്ടറിക്ക്

തിരുവനന്തപുരം : കോൺഗ്രസിൻ്റെ രാജ്യസഭ സ്ഥാനാർഥി ജെബി മേത്തർ നാമനിർദേശ പത്രിക നൽകി. നിയമസഭ സെക്രട്ടറിക്കാണ് പത്രിക നൽകിയത്. കെപിസിസി പ്രസിഡൻ്റ് കെ.സുധാകരൻ, പ്രതിപക്ഷ നേതാവ് വി.ഡി സതീശൻ, മുൻ മുഖ്യമന്ത്രി ഉമ്മൻചാണ്ടി എന്നിവർക്കൊപ്പമെത്തിയാണ് ജെബി മേത്തർ പത്രിക സമർപ്പിച്ചത്.

സ്ഥാനാർഥിത്വം ചരിത്ര നിയോഗമാണെന്നും ഭരണഘടനാമൂല്യങ്ങൾ സംരക്ഷിച്ച് പ്രവർത്തിക്കുമെന്നും ജെബി മേത്തർ പറഞ്ഞു.