തിരുവനന്തപുരം: സിയാച്ചിനില്‍ മഞ്ഞുമല ഇടിഞ്ഞു വീണ് വീരമൃത്യു മരിച്ച ജവാൻ അഖിലിന് നാടിൻ്റെ കണ്ണീരിൽ കുതിർന്ന യാതാ മൊഴി. കാട്ടാക്കട പൂവച്ചല്‍ കുഴക്കാട് കല്ലണമുഖം ശ്രീശൈലത്തില്‍ അഖില്‍ എസ്.എസ് മരിച്ചതായി ബുധനാഴ്ചയാണ് ബന്ധുക്കള്‍ക്ക് വിവരം ലഭിച്ചത്. കരസേനയില്‍ നായിക്ക് ആയ അഖില്‍ നഴ്‌സിങ് അസിസ്റ്റൻ്റ് ആയിരുന്നു.
അഖിലിന് നാടിൻ്റെ കണ്ണീരിൽ കുതിർന്ന യാത്രാ മൊഴി
നടപടി ക്രമങ്ങൾ പൂർത്തിയാക്കി വ്യാഴാഴ്ച്ച രാത്രിയാണ് മൃതദേഹം തിരുവനന്തപുരം എയർപോർട്ടിൽ എത്തിച്ചത്. മൃതദേഹം രാവിലെ പൊതുദർശനത്തിന് വച്ചു. നാനാതുറകളിൽ നിന്ന് നൂറുകണക്കിന് ആളുകളാണ് ധീര ജവാന് അന്തിമ ഉപചാരം നൽകാനെത്തിയത്.
