തിരുവനന്തപുരം: സാംസ്‌കാരിക വകുപ്പിന്‍റെ സമം പദ്ധതിയുടെ ഭാഗമായി സംസ്ഥാന ചലച്ചിത്ര അക്കാദമി കോഴിക്കോട് കൈരളി, ശ്രീ തിയേറ്ററുകളിൽ സംഘടിപ്പിക്കുന്ന മൂന്നാമത് അന്താരാഷ്ട്ര വനിത ചലച്ചിത്ര മേളയുടെ ഓണ്‍ലൈന്‍ ഡെലിഗേറ്റ് രജിസ്ട്രേഷൻ ആരംഭിച്ചു. https://registration.iffk.in/ എന്ന വെബ്‌സൈറ്റ് മുഖേനയാണ് രജിസ്‌ട്രേഷന്‍ ചെയ്യേണ്ടത്. മുതിര്‍ന്നവര്‍ക്ക് 300 രൂപയും, വിദ്യാര്‍ഥികള്‍ക്ക് 200 രൂപയുമാണ് ഡെലിഗേറ്റ് ഫീസ്.
ജൂലൈ 16,17,18 തിയ്യതികളിലാണ് മേള അരങ്ങേറുക. മേളയില്‍ വനിത സംവിധായകരുടെ 24 സിനിമകളാണ് പ്രദർശിപ്പിക്കുക. മലയാളത്തിന് പുറമെ ദേശീയ അന്തർ ദേശീയ സിനിമകളും, അവാർഡിന് അർഹമായ ഡോക്യുമെന്‍ററികളും, ഫീച്ചർ സിനിമകളും മേളയിൽ പ്രദർശിപ്പിക്കും.
