ജർമ്മൻ യുവതിക്ക് വേണ്ടി അന്വേഷണം ശക്തമാക്കി പൊലീസ്

ഹോട്ടലുകൾ കേന്ദ്രീകരിച്ച് അന്വേഷണം നടത്താന്‍ പൊലീസ് തീരുമാനിച്ചു

തിരുവനന്തപുരം: കോവളത്ത് കാണാതായ ജർമ്മൻ യുവതി ലിസ വെയ്‌സിനായി ഹോട്ടലുകൾ കേന്ദ്രീകരിച്ച് പൊലീസ് അന്വേഷണം ശക്തമാക്കി. വർക്കല, ഗുരുവായൂർ, കൊല്ലം എന്നിവിടങ്ങളിലെ ഹോട്ടലുകൾ, ഹോം സ്‌റ്റേകൾ എന്നിവ കേന്ദ്രീകരിച്ച് പരിശോധന ശക്തമാക്കാൻ ശംഖുമുഖം എ സി ഇളങ്കോവന്‍റെ നേതൃത്വത്തിലുള്ള അന്വേഷണ സംഘം തീരുമാനിച്ചു. യുവതി മൂന്നു മാസം മുമ്പ് കോവളത്ത് എത്തിയതായി ഇവിടുത്തെ ഒരു ഹോട്ടൽ ജീവനക്കാരന്‍ പൊലീസിന് മൊഴി നൽകിയിരുന്നു.