തിരുവനന്തപുരം: ഗാന്ധിജിയുടെ 150-ാം ജന്‍മവാര്‍ഷികത്തിന്‍റെ ഭാഗമായി കെ.പി.സി.സി പദയാത്ര സംഘടിപ്പിച്ചു. കോണ്‍ഗ്രസ് പ്രവര്‍ത്തക സമിതി അംഗം എ.കെ ആന്റണി പദയാത്രക്ക് നേതൃത്വം നല്‍കി. പി.എം.ജിയില്‍ നിന്നാരംഭിച്ച പദയാത്ര കിഴക്കേകോട്ട ഗാന്ധിപാര്‍ക്കില്‍ സമാപിച്ചു. ഗാന്ധിജിയുടെ 150-ാം ജന്‍മവാര്‍ഷികം ആഘോഷിക്കുന്ന ബിജെപിക്ക് ആത്മാര്‍ത്ഥതയുണ്ടെങ്കില്‍ ഗോഡ്‌സെയുടെ പേരിലുള്ള ക്ഷേത്ര നിര്‍മ്മാണത്തെ കേന്ദ്രസര്‍ക്കാര്‍ നിയമം കൊണ്ട് നിരോധിക്കണമെന്ന് എ.കെ ആന്റണി ആവശ്യപ്പെട്ടു.
ഗാന്ധിജിയുടെ 150-ാം ജന്‍മവാര്‍ഷികത്തിന്‍റെ ഭാഗമായി കെ.പി.സി.സി പദയാത്ര സംഘടിപ്പിച്ചു.
എ.ഐ.സി.സി ആഹ്വാനപ്രകാരമാണ് കേരളത്തില്‍ കോണ്‍ഗ്രസ് മൂന്ന് മേഖലാ പദയാത്രകള്‍ സംഘടിപ്പിച്ചത്. ഗാന്ധി പ്രതിമയില്‍ പുഷ്‌പാര്‍ച്ചന നടത്തിയശേഷം എ.കെ.ആന്റണി ഗാന്ധി അനുസ്മരണ സന്ദേശം നല്‍കി.
