പെരുമാതുറ മുതലപ്പൊഴിയില്‍ മത്സ്യതൊഴിലാളിയെ കാണാതായി

മുതലപ്പൊഴിയിൽ നിന്നും മത്സ്യബന്ധനത്തിനു ശേഷം കടൽ മാർഗ്ഗം അഞ്ചുതെങ്ങിലേക്ക് പോകുന്നതിനിടെ മുതലപ്പൊഴി കായലിൽ വെച്ച് അതിസാരം വന്ന് വള്ളത്തിൽ നിന്നും കായലിൽ വീഴുകയായിരുന്നു.

തിരുവനന്തപുരം: പെരുമാതുറ മുതലപ്പൊഴിയിൽ മത്സ്യതൊഴിലാളിയെ കാണാതായി. അഞ്ചുതെങ്ങ് കോട്ടക്ക് സമീപം പുതുവൽ പുരയിടം സാജിയെയാണ് (30) കാണാതായത്. ഇന്ന് രാവിലെ 8:30 മണിയോടെ മുതലപ്പൊഴിയിൽ നിന്നും മത്സ്യബന്ധനത്തിനു ശേഷം കടൽ മാർഗ്ഗം അഞ്ചുതെങ്ങിലേക്ക് പോകുന്നതിനിടെ മുതലപ്പൊഴി കായലിൽ വെച്ച് അതിസാരം വന്ന് വള്ളത്തിൽ നിന്നും കായലിൽ വീഴുകയായിരുന്നു. അഞ്ചുതെങ്ങ് കോസ്റ്റൽ പൊലീസും മറൈന്‍ എൻഫോഴ്സ്മെന്‍റും സംയുക്തമായി തിരച്ചിൽ നടത്തുന്നു.