തിരുവനന്തപുരം : സംസ്ഥാനത്ത് ശനിയും ഞായറും സമ്പൂർണ ലോക്ക് ഡൗൺ. പൊതുഗതാഗതം ഉണ്ടാവില്ല. ആരോഗ്യ സംവിധാനങ്ങള്‍ക്കും അവശ്യസേവനങ്ങള്‍ക്കും മാത്രമാണ് ഈ ദിവസങ്ങളില്‍ ഇളവ് ലഭിക്കുക.
ബാർ, ബെവ്റേജസ് ഔട്ട്‌ലെറ്റുകളും തുറക്കില്ല. തദ്ദേശഭരണ സ്ഥാപനങ്ങളിലെ ടെസ്റ്റ് പോസിറ്റിവിറ്റി നിരക്കനുസരിച്ചുള്ള നിയന്ത്രണങ്ങള്‍ തിങ്കളാഴ്ച മുതൽ വീണ്ടും നടപ്പാക്കും. ശനിയും ഞായറും സമ്പൂര്‍ണ ലോക്ക് ഡൗണ്‍ ആയതിനാല്‍ കഴിഞ്ഞ ദിവസങ്ങളിൽ മയപ്പെടുത്തിയ പൊലീസ് പരിശോധനകൾ ഈ രണ്ട് ദിവസവും കർശനമാക്കും.
ALSO READ: ശനി, ഞായര്‍ ദിവസങ്ങളില്‍ സമ്പൂര്‍ണ ലോക്ക് ഡൗണ്‍, സഹകരിക്കണമെന്ന് മുഖ്യമന്ത്രി
ഹോട്ടലുകളിൽ ഓൺലൈൻ ഡെലിവെറിക്ക് മാത്രമാണ് അനുമതി. ലോക്ക് ഡൗണിന് ഇളവുകൾ പ്രഖ്യാപിച്ചപ്പോൾ തന്നെ ശനി, ഞായർ ദിവസങ്ങളിലെ സമ്പൂർണ ലോക്ക് ഡൗൺ തുടരുമെന്ന് മുഖ്യമന്ത്രി വ്യക്തമാക്കിയിരുന്നു. എല്ലാവരും ഈ ദിവസങ്ങളില്‍ സഹകരിക്കണമെന്ന് മുഖ്യമന്ത്രി അറിയിച്ചു.
