കെ.എസ്.ആർ.ടി.സിക്ക് സിഎൻജി ബസുകൾ വാങ്ങാൻ കിഫ്‌ബി പണം അനുവദിച്ചു

നേരത്തെ ഡീസൽ ബസുകൾ വാങ്ങാനാണ് തീരുമാനിച്ചിരുന്നതെങ്കിലും നടപ്പായില്ലെന്ന് ധനമന്ത്രി അറിയിച്ചു..

തിരുവനന്തപുരം: കെ.എസ്.ആർ.ടി.സിക്ക് സിഎൻജി ബസുകൾ വാങ്ങാൻ കിഫ്‌ബിയിൽ നിന്നും പണം അനുവദിച്ചതായി ധനമന്ത്രി തോമസ് ഐസക്. 330 സിഎൻജി ബസുകൾ വാങ്ങാനാണ് തുക അനുവദിച്ചത്. ഇതു സംബന്ധിച്ച് കെ.എസ്.ആർ.ടി.സിയും കിഫ്ബിയും തമ്മിൽ ധാരണപത്രം ഒപ്പു വയ്ക്കും. നേരത്തെ ഡീസൽ ബസുകൾ വാങ്ങാനാണ് തീരുമാനിച്ചിരുന്നതെങ്കിലും നടപ്പായില്ല. എൽഎൽജി, ഇലക്ട്രിക് ബസുകൾക്ക് മുൻഗണന നൽകുന്നതിൻ്റെ ഭാഗമായാണ് തുക അനുവദിക്കാൻ തീരുമാനിച്ചതെന്നും തോമസ് ഐസക് വ്യക്തമാക്കി.