തിരുവനന്തപുരം: ടെക്‌നോപാര്‍ക്കിലെ ഫെയ്‌സ് ത്രീയ്ക്ക് വേണ്ടി എടുത്തിട്ടിരിക്കുന്ന സ്ഥലത്ത് ബോംബ് കണ്ടെത്തി. ടെക്‌നോപാര്‍ക്കിലെ ഫേസ് ത്രീയിലെ ഒഴിഞ്ഞ പ്രദേശത്തുണ്ടായിരുന്ന ഒരു വെയ്‌സ്‌റ്റ് ബിന്നിന് മുകളിൽ ടേപ്പ് ചുറ്റി പൊതിഞ്ഞ നിലയിലായിരുന്നു ബോംബ് കണ്ടെത്തിയത്. കഞ്ചാവ് പൊതിയെന്ന് കരുതിയാണ് എക്‌സൈസ് സംഘം പരിശോധന നടത്തിയത്. സംശയത്തെത്തുടര്‍ന്ന് റോഡില്‍ എറിഞ്ഞപ്പോള്‍ ബോംബ് പൊട്ടിത്തെറിക്കുകയായിരുന്നു. പൊട്ടിത്തെറിയില്‍ നിന്ന് എക്‌സൈസ് സംഘം അത്ഭുതകരമായാണ് രക്ഷപെട്ടത്. ടെക്‌നോപാര്‍ക്കില്‍ ഒഴിഞ്ഞ് കിടന്ന കണ്ടെയ്‌നറില്‍ നിന്ന് 80 ലിറ്റര്‍ ചാരായവും കണ്ടെത്തി. തുടർന്ന് നടന്ന പരിശോധനയിലാണ് നാടൻ ബോംബ് കണ്ടെത്തിയത്. എക്‌സൈസ് ഇന്‍സ്‌പെക്‌ടർ അനില്‍ കുമാറിന്‍റെ നേതൃത്വത്തിലുള്ള സംഘമാണ് പരിശോധന നടത്തിയത്.
തിരുവനന്തപുരം ടെക്‌നോപാര്‍ക്ക് പരിസരത്ത് നിന്ന് നാടൻ ബോബ് കണ്ടെത്തി
