തിരുവനന്തപുരം: സംസ്ഥാനത്ത് 56 ശതമാനം ആളുകൾക്കും കൊവിഡ് ബാധിക്കുന്നത് വീടുകൾക്ക് അകത്തു നിന്നു തന്നെയെന്ന് കണ്ടെത്തൽ. തിരുവനന്തപുരം മെഡിക്കൽ കോളജിലെ കമ്യൂണിറ്റി മെഡിസിൻ വിഭാഗം നടത്തിയ പഠനത്തിലാണ് പുതിയ കണ്ടെത്തൽ.
രോഗവുമായി പുറത്തു നിന്ന് വരുന്നവരാണ് വീട്ടിൽ കഴിയുന്നവർക്ക് രോഗം നൽകുന്നത്. 20 ശതമാനം പേർക്ക് മാർക്കറ്റുകൾ, ഷോപ്പിംഗ് മാളുകൾ, റസ്റ്റോറന്‍റുകൾ, യോഗസ്ഥലങ്ങൾ എന്നിവിടങ്ങളിൽ നിന്നാണ് രോഗം ബാധിക്കുന്നത്. രോഗബാധിതരിൽ 65 ശതമാനം പേരും സാമൂഹിക അകലം പാലിക്കാത്തവരാണ്. 45 ശതമാനം മാസ്ക് ധരിക്കാത്തവരുമാണ്. രോഗലക്ഷണങ്ങൾ ഇല്ലാത്ത 30 ശതമാനത്തോളം പേരും ഉണ്ട്. കുട്ടികളിൽ അഞ്ച് ശതമാനം പേർക്ക് സ്കൂളുകളിൽ നിന്നും 47 ശതമാനം പേർക്ക് വീടുകളിൽ നിന്നുമാണ് രോഗം ബാധിക്കുന്നതെന്നും പഠനം പറയുന്നു.
