പത്തനംതിട്ട: ക്രിസ്മസ് ആഘോഷിക്കാൻ വിദ്യാര്ഥികള്ക്കും അധ്യാപകര്ക്കും ഭീമൻ കേക്ക് ഒരുക്കി നല്കി അടൂർ എസ്എൻഐടിയിലെ മാനേജ്മെന്റ്. ക്രിസ്മസ് ട്രീയുടെ മാതൃകയില് ഏഴ് അടി ഉയരത്തിൽ 500 കിലോ തൂക്കത്തിലാണ് മാനേജ്മെന്റ് ഭീമൻ കേക്ക് നിര്മിച്ചിരിക്കുന്നത്. കേക്ക് ആർട്ടിസ്റ്റ് നീതു ബേബിയുടെ നേതൃത്വത്തിൽ 10 വിദ്യാർഥികളും അധ്യാപകരും ചേര്ന്നാണ് ഏറെ രുചിയുള്ള വാനില കേക്ക് ഒരുക്കിയത്.
കോളജിലെ ശീതീകരിച്ച മുറിയിലാണ് ഭീമൻ കേക്ക് നിർമാണം പൂർത്തിയാക്കിയത്. ആഘോഷ വേദിയിലേക്ക് കേക്ക് എത്തുന്നതുവരെ കേക്ക് നിര്മാണം രഹസ്യമായിരുന്നു. അതുകൊണ്ടുതന്നെ ആഘോഷ വേദിയിലേക്ക് ട്രോളിയില് കേക്കെത്തിയപ്പോള് വിദ്യാര്ഥികള്ക്കും അധ്യാപകര്ക്കും ഒരുപോലെ കൗതുകമായി.