പത്തനംതിട്ട: ശബരിമല സീറോ ആക്സിഡന്റ് പദ്ധതി നടപ്പാക്കുന്നതിന്‍റെ ഭാഗമായി 'സേഫ് സോണിന്റെ' പ്രാഥമിക അവലോകന യോഗം പത്തനംതിട്ടയില്‍ ചേര്‍ന്നു. കഴിഞ്ഞ വർഷത്തേതിന് സമാനമായി അപകടരഹിത സീസൺ എന്ന ലക്ഷ്യം മുന്നില്‍കണ്ടാണ് പദ്ധതി നടപ്പാക്കുന്നത്.
ശബരിമലയില്‍ അപകടങ്ങള്‍ ഇല്ലാതാക്കുന്നതിനായി പദ്ധതി; പത്തനംതിട്ടയില്‍ അവലോകന യോഗം ചേര്‍ന്നു
ഭക്തര്‍ സഞ്ചരിക്കുന്ന വാഹനങ്ങൾക്ക് തടസമാകുന്ന വാഹനങ്ങൾ, ചരക്കു വാഹനങ്ങള്‍, ജില്ലയ്ക്ക് പുറത്ത് നിന്ന് അയ്യപ്പഭക്തരെ കൊണ്ടുവരുന്ന ഓട്ടോറിക്ഷകള്‍ എന്നിവ പൂർണ്ണമായും നിരോധിക്കും. നിയമലംഘനം നടത്തുന്നവര്‍ക്കെതിരെ കേസെടുക്കാനും തീരുമാനമായി. ഡെപ്യൂട്ടി ട്രാൻസ്പോർട്ട് കമ്മിഷണർമാരായ വി. മുരളികൃഷ്ണന്‍, അജിത് കുമാര്‍ എന്നിവര്‍ നേതൃത്വം നല്‍കി. യോഗത്തില്‍ പത്തനംതിട്ട ആര്‍ടിഒ ജിജി ജോര്‍ജ്, ആറ് ജില്ലകളിലെ എൻഫോഴ്സ്മെന്റ് ആര്‍ടിഒമാര്‍ ജോയിന്റ് ആര്‍ടിഒമാര്‍ തുടങ്ങിയവര്‍ പങ്കെടുത്തു.
