പത്തനംതിട്ട: ഇന്നലെ(28.08.2022) രാത്രി പെയ്ത കനത്ത മഴയിൽ ജില്ലയിലെ താഴ്ന്ന പ്രദേശങ്ങളിൽ വെള്ളം കയറി. മല്ലപ്പള്ളി, ചുങ്കപ്പാറ, റാന്നി, അയിരൂർ, കോഴഞ്ചേരി, നാരങ്ങാനം എന്നിവിടങ്ങളിലാണ് കൂടുതൽ മഴ പെയ്തത്. പ്രദേശത്തെ ചെറുതോടുകൾ കവിഞ്ഞാണ് വെള്ളം കയറിയിരിക്കുന്നത്.
ബംഗാൾ ഉൾക്കടലിൽ തമിഴ്നാടിന് കിഴക്കായി സ്ഥിതി ചെയ്യുന്ന ചക്രവാത ചുഴിയുടെ ഭാഗമായി ലഭിക്കുന്ന കിഴക്കൻ മഴ വൈകുന്നേരവും രാത്രിയിലുമായി പെയ്യുകയും, രാവിലെയോടു കൂടി ശക്തി കുറയുകയും ചെയ്യുമെന്ന് അധികൃതർ അറിയിച്ചു. അടുത്ത മണിക്കൂറുകളിൽ മഴ കുറയുമെന്നാണ് റിപ്പോർട്ട്. അതേസമയം നദികളിലെ ജലനിരപ്പ് ആശങ്കപ്പെടേണ്ട സാഹചര്യമില്ലെന്നും അറിയിച്ചു.
മല്ലപ്പള്ളി താലൂക്ക് പരിധിയിൽ രാത്രി ശക്തമായ മഴ ഉണ്ടായിരുന്നു. ഇന്ന്(29.08.2022) രാവിലെ 6.30ന് ശേഷം മഴയുടെ ശക്തി കുറഞ്ഞു. കോട്ടാങ്ങൽ വില്ലേജിൽ ചുങ്കപ്പാറ ജംഗ്ഷനിൽ കടകളിൽ ഉൾപ്പെടെ വെള്ളം കയറിയിട്ടുണ്ട്.
![കനത്ത മഴ പത്തനംതിട്ടയിൽ ശക്തമായ മഴ കേന്ദ്ര കാലാവസ്ഥ വകുപ്പ് കേരളത്തിൽ വ്യാപക മഴ കേരള വാർത്തകൾ പത്തനംതിട്ട വാർത്തകൾ KERALA RAIN IPDATION PATHANAMTHITTA RAIN UPDATION kerala latest news heavy rain at pathanamthitta Central Meteorological Department](https://etvbharatimages.akamaized.net/etvbharat/prod-images/16226494_coll.jpg)
മല്ലപ്പള്ളി, ആനിക്കാട്, തെള്ളിയൂർ വില്ലേജുകളിലെയും തോടുകൾ കരകവിഞ്ഞ് ഒഴുകി. മല്ലപ്പള്ളി താലൂക്കില് കോട്ടാങ്ങല് വില്ലേജില് പല വീടുകളിലും കടകളിലും വെള്ളം കയറി. പോര്ച്ചില് നിന്നും ഒരു കാര് ഒഴുകി പോയി.