അതിരപ്പിള്ളി പദ്ധതി; പ്രതിഷേധവുമായി പരിസ്ഥിതി ഐക്യവേദി

പരിസ്ഥിതി പുനസ്ഥാപനത്തിനും നിലനില്‍പ്പിനും വേണ്ടി പ്രതിവർഷം കോടികൾ ചെലവഴിക്കുന്ന സർക്കാർ വികസന പദ്ധതികളുടെ പേരിൽ ഹെക്ടറുകണക്കിന് വനം നശിപ്പിക്കുന്ന നയം പ്രതിഷേധാർഹമാണെന്ന് പ്രതിഷേധക്കാര്‍

പാലക്കാട്: അതിരപ്പിള്ളി പദ്ധതി നടപ്പാക്കരുതെന്നാവശ്യപ്പെട്ട് ഒലവക്കോട് കെഎസ്ഇബി ഓഫീസിലേക്ക് പരിസ്ഥിതി ഐക്യവേദി പ്രവർത്തകർ പ്രതിഷേധ മാർച്ച് നടത്തി. പരിസ്ഥിതി പുനസ്ഥാപനത്തിനും നിലനില്‍പ്പിനും വേണ്ടി പ്രതിവർഷം കോടികൾ ചെലവഴിക്കുന്ന സർക്കാർ വികസന പദ്ധതികളുടെ പേരിൽ ഹെക്ടറുകണക്കിന് വനം നശിപ്പിക്കുന്ന നയം പ്രതിഷേധാർഹമാണ്. കാലഘട്ടത്തിനനുസൃതമായി സോളാർ ഉൾപ്പടെയുള്ള ബദൽ ഊർജ മാർഗങ്ങൾ അവലംബിക്കുന്നതിനു പകരം ജല വൈദ്യുതിയെന്ന പരമ്പരാഗത മാർഗത്തിൽ അഭയം പ്രാപിക്കുന്ന സർക്കാർ പ്രളയത്തെ പാഠമായി ഉൾകൊള്ളാൻ ഇനിയെങ്കിലും തയ്യാറാവണമെന്നും ജില്ലയിലെ പരിസ്ഥിതി സംഘടനകളുടെ സംയുക്ത വേദിയായ പരിസ്ഥിതി ഐക്യവേദി പറഞ്ഞു.