പാലക്കാട്: പട്ടാമ്പി നടുവട്ടം രണരാഗരനെല്ലൂർ ശിവക്ഷേത്രത്തിന് സമീപത്തെ കുളത്തില്‍ മീനുകൾ ചത്തുപൊങ്ങി. പ്രദേശത്തെ ജനങ്ങൾ രാവിലെ കുളിക്കാനെത്തിയപ്പോഴാണ് കുളത്തിൽ മീനുകൾ കൂട്ടത്തോടെ ചത്തുപൊങ്ങിയത് ശ്രദ്ധയില്‍പ്പെട്ടത്.
ക്ഷേത്രകുളത്തില്‍ മീനുകൾ കൂട്ടത്തോടെ ചത്തുപൊങ്ങി
ക്ഷേത്ര ഭാരവാഹികളുടെ പരാതിയിൽ കൊപ്പം പൊലീസ് അന്വേഷണം ആരംഭിച്ചിട്ടുണ്ട്. സാമൂഹ്യവിരുദ്ധര്‍ കുളത്തിൽ വിഷം കലർത്തിയതാണെന്നാണ് പ്രാഥമിക നിഗമനം. അന്വേഷണത്തിന്‍റെ ഭാഗമായി കുളത്തിലെ വെള്ളം പരിശോധിക്കും.
