മലപ്പുറം: ചീക്കോട് കെകെഎം ഹയര്‍ സെക്കന്ററി സ്കൂളിന്റെ വിവരങ്ങളറിയാൻ ഇനി വെബ്സൈറ്റ് നോക്കിയാൽ മതി. വെബ്സൈറ്റിന്റെ ഔപചാരിക ലോഞ്ചിങ് എംകെ മുനീർ എംഎൽഎ നിർവഹിച്ചു. സ്കൂളിന് പുതുതായി അനുവദിച്ച് കിട്ടിയ സൗഹൃദ ക്ലബ്, കരിയര്‍ ഗൈഡന്‍സ് സെല്‍ എന്നിവയുടെ ഉദ്ഘാടനം ടിവി ഇബ്രാഹിം എംഎല്‍എ നിര്‍വഹിച്ചു. വിദ്യാർഥികളുടെ കഴിവും വിദ്യാലയത്തിന്റെ മികവും ജനമധ്യത്തിൽ എത്തിക്കുകയാണ് ലക്ഷ്യമെന്ന് വെബ്സൈറ്റ് നിർമിച്ച അധ്യാപകൻ സികെ ലിജേഷ് പറഞ്ഞു.
സ്‌കൗട്ട് ആന്‍റ് ഗൈഡ് യൂണിറ്റിന്റെ ഉദ്ഘാടനം ജില്ലാ പഞ്ചായത്ത് മെമ്പര്‍ പിവി മനാഫ് നിര്‍വഹിച്ചു. വിദ്യാർഥികളുടെ കലാപരിപാടിയിലെ വിശിഷ്ടാതിഥിയായി ഫിലിം ആര്‍ട്ടിസ്റ്റ് ബറോസ് കൊടക്കാടന്‍ എത്തി. പിടിഎ പ്രസിഡന്റ് പിഎ അസീസ് അധ്യക്ഷത വഹിച്ചു. പ്രിന്‍സിപ്പാള്‍ കെ. മുനീര്‍, മാനേജര്‍ കെ. ബീരാന്‍ ഹാജി, സഫിയ, അബ്ദുല് ഹമീദ്, ഇമ്പിച്ചി മോതി എന്നിവർ പങ്കെടുത്തു.
