മലപ്പുറം: നിലമ്പൂരിലെ പൊലീസ് റെയ്ഡിൽ 25,000 രൂപയുടെ വ്യാജ സിഗരറ്റുകൾ പിടിച്ചെടുത്തു. നിലമ്പൂർ സർക്കിൾ ഇൻസ്പെക്ടർ സുനിൽ പുളിക്കലിന്റെ നേതൃത്വത്തിലായിരുന്നു പരിശോധന. കോടതിപ്പടി, വീട്ടിക്കുത്ത് റോഡ്, ചന്തക്കുന്ന് എന്നിവിടങ്ങളിലെ നാലോളം കടകളില്‍ നിന്നാണ് 15 ബ്രാന്‍റുകളിലെ 3000ത്തോളം വ്യാജ സിഗരറ്റുകൾ പിടിച്ചെടുത്തത്.
നിലമ്പൂരില്‍ പൊലീസ് റെയ്‌ഡ്; 25,000 രൂപയുടെ വ്യാജ സിഗരറ്റുകൾ പിടിച്ചെടുത്തു
നികുതി നൽകേണ്ടാത്തതിനാൽ വില കുറച്ച് വിൽക്കുന്ന വ്യാജ സിഗരറ്റുകൾ മലേഷ്യയിൽ നിന്നും ശ്രീലങ്കയിൽ നിന്നും കപ്പൽമാർഗമാണ് കേരളത്തിലേക്കെത്തിക്കുന്നത്. വരും ദിവസങ്ങളിൽ പരിശോധന ഊർജിതമാക്കുമെന്നും വ്യാജ സിഗരറ്റ് വിൽപന നടത്തിയ വ്യാപാരികളിൽ നിന്നും പിഴ ഈടാക്കുമെന്നും പൊലീസ് പറഞ്ഞു.
