എടപ്പാൾ മേൽപ്പാലം ഒക്ടോബറിൽ തുറക്കും : മന്ത്രി പിഎ മുഹമ്മദ് റിയാസ്

പാലത്തിന്‍റെ നിർമാണ പ്രവൃത്തി വിലയിരുത്തുന്നതിനായി എടപ്പാളിൽ എത്തിയതായിരുന്നു മന്ത്രി

മലപ്പുറം : എടപ്പാൾ മേൽപ്പാലം ഒക്ടോബറിൽ പൊതുജനങ്ങൾക്കായി തുറന്നുകൊടുക്കുമെന്ന് പൊതുമരാമത്ത് മന്ത്രി പിഎ മുഹമ്മദ് റിയാസ്. പാലത്തിന്‍റെ നിർമാണ പ്രവൃത്തി വിലയിരുത്തുന്നതിനായി എടപ്പാളിൽ എത്തിയ ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം.

രണ്ട് മാസം മുമ്പ് താൻ ഇവിടം സന്ദർശിച്ചപ്പോൾ ഉദ്യോഗസ്ഥർക്ക് വേണ്ട നിർദേശങ്ങള്‍ നൽകിയിരുന്നു.അവ കൃത്യമായി പാലിച്ച് ധ്രുതഗതിയിലാണ് നിർമാണ പ്രവൃത്തികള്‍ നടക്കുന്നതെന്നും അദ്ദേഹം പറഞ്ഞു.

ജംഗ്ഷൻ സൗന്ദര്യവത്കരണം അടുത്ത ആഴ്ച ആരംഭിക്കും. കൈവരികളുടെ നിർമാണം പൂർത്തിയായിട്ടുണ്ട്. പാലത്തിനടിയിലെ സൗന്ദര്യവത്കരണം കംഫർട്ട് സ്റ്റേഷൻ എന്നിവയാണ് ഇനി തീരാനുള്ളതെന്നും മന്ത്രി പറഞ്ഞു.