മലപ്പുറം: പൗരത്വ നിയമ ഭേദഗതിക്കെതിരെ പ്രതിഷേധമുയർത്തിയായിരുന്നു മലപ്പുറത്ത് പുതുവർഷപ്പുലരി പിറന്നത്. മുസ്ലിം ലീഗ്, ഫ്രറ്റേണിറ്റി മൂവ്മെന്‍റ് കോൺഗ്രസ് അടക്കം നിരവധി സംഘടനകളാണ് പ്രതിഷേധവുമായി രംഗത്തെത്തിയത്.
പൗരത്വ പ്രതിഷേധങ്ങളിലൂടെ പുതുവർഷത്തെ വരവേറ്റ് മലപ്പുറം
വൈകിട്ട് ഏഴുമണിയോടെ തന്നെ ഏവരും മലപ്പുറം കുന്നുമ്മൽ കേന്ദ്രീകരിച്ചിരുന്നു. മുസ്ലിം ലീഗിന്‍റെ നേതൃത്വത്തിൽ രാത്രി സമരവും കോൺഗ്രസിന്‍റെ നേതൃത്വത്തിൽ രാപ്പകൽ ഉപവാസവും ഫ്രറ്റേണിറ്റി മൂവ്മെന്‍റിന്‍റെ നേതൃത്വത്തിൽ പ്രക്ഷോഭ യവൗനവുമായാണ് പ്രതിഷേധ സംഗമങ്ങൾ നടന്നത്. മുസ്ലിം ലീഗിന്‍റെ പ്രതിഷേധങ്ങൾക്ക് അഡ്വ. ദീപിക സിംഗ് രാജാവത്ത് നേത്യത്വം നൽകി. തുടർന്ന് നടന്ന പ്രത്യേക പ്രതിജ്ഞക്ക് ശേഷം ഏവരും ദേശീയഗാനത്തോടെ പിരിഞ്ഞു.
