ബസിൽ ലൈംഗിക അതിക്രമം: സബ് രജിസ്ട്രാർ അറസ്‌റ്റിൽ

തിരുവന്തപുരത്തു നിന്നും മംഗലാപുരത്തേക്ക് പോകുകയായിരുന്ന സ്വകാര്യ ബസിൽ യുവതിക്ക് നേരെ ലൈംഗിക അതിക്രമം നടത്തിയ കാഞ്ഞങ്ങാട് സബ് രജിസ്ട്രാർ അറസ്റ്റില്‍.

മലപ്പുറം: തിരുവന്തപുരത്തു നിന്നും മംഗലാപുരത്തേക്ക് പോകുകയായിരുന്ന സ്വകാര്യ ബസിൽ യുവതിക്ക് നേരെ ലൈംഗിക അതിക്രമം. സംഭവത്തില്‍ കാഞ്ഞങ്ങാട് സബ് രജിസ്ട്രാർ ജോയിയെ അറസ്റ്റ് ചെയ്തു. യുവതിയുടെ പിന്നിലെ സീറ്റിൽ ഇരുന്ന ജോയ് ദേഹത്ത് പിടിച്ചതായാണ് പരാതി. പൊലീസിൽ വിവരമറിയിച്ചതിനെ തുടർന്ന് ബസ് കാടാമ്പുഴ എത്തിയപ്പോൾ പൊലീസ് യുവതിയുടെ മൊഴി രേഖപ്പെടുത്തി. ജോയിയെ കാടാമ്പുഴ പൊലീസ് അറസ്റ്റ് ചെയ്തു. ഇയാളെ ഇന്ന് തിരൂർ കോടതിയിൽ ഹാജരാക്കും