വളാഞ്ചേരി ദേശീയപാതയിൽ വാഹനാപകടം; ഒരു മരണം

ചരക്ക് ലോറിയാണ് അപകടത്തിൽപ്പെട്ടത്

മലപ്പുറം: വളാഞ്ചേരി ദേശീയപാത 66ൽ വട്ടപ്പാറ വളവിൽ ചരക്ക് ലോറി നിയന്ത്രണം വിട്ട് മറിഞ്ഞുണ്ടായ അപകടത്തിൽ ഒരാൾ മരിച്ചു. കർണാടക, ബാഗൽകോട്ട് സ്വദേശി യല്ലപ്പയുടെ മകനും ലോറി ഡ്രൈവറുമായ യമനപ്പ വൈ തലൈവാരാണ്(35) അപകടത്തിൽ മരിച്ചത്. തലകീഴായി താഴ്‌ചയിലേക്ക് മറിഞ്ഞ ലോറിക്കടിയിൽപ്പെട്ട ഡ്രൈവറെ ഒരു മണിക്കൂർ നേരത്തെ പരിശ്രമത്തിനൊടുവിലാണ് പുറത്തെടുത്തത്. പുറത്തെടുക്കുമ്പോഴേക്കും മരണം സംഭവിച്ചിരുന്നു. മൃതദേഹം മഞ്ചേരി മെഡിക്കൽ കോളേജ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.