കോഴിക്കോട്: വടകര കൈന്നാട്ടി മുട്ടുങ്ങലിൽ ഓട്ടോറിക്ഷയിൽ കടത്തുകയായിരുന്ന 2.100 ഗ്രാം കഞ്ചാവുമായി രണ്ട് പേർ എക്സൈസ് പിടിയിലായി. കോഴിക്കോട് സ്വദേശി നാലുകണ്ടിപറമ്പത്ത് മുഹമദ് നാസർ (47 ), മലപ്പുറം സ്വദേശി കൊല്ലർ കണ്ടി മൈസ ( 47) എന്നിവരാണ് അറസ്റ്റിലായത്. വടകര എക്സൈസ് ഇൻസ്പെക്‌ടർ കെ.കെ. ഷിജിൽ കുമാറും സംഘവും നടത്തിയ പരിശോധനയിലാണ് അറസ്റ്റ്.
കോഴിക്കോട് നഗരത്തില്‍ സർവീസ് നടത്തുന്ന മൈസയുടെ ഉടമസ്ഥതയിലുള്ള കെഎൽ 11 ബിഎഫ് 4810 നമ്പർ ഓട്ടോറിക്ഷയും കസ്റ്റഡിയിലെടുത്തു.തമിഴ്‌നാട് കമ്പത്ത് നിന്ന് കഞ്ചാവ് തലശേരിയിലേക്ക് കൊണ്ട് പോവുന്നതിനിടയിലാണ് പ്രതികൾ പിടിയിലായത്.
