കോഴിക്കോട്: ജില്ലയിൽ വീണ്ടും തെരുവുനായ ആക്രമണം. സ്‌കൂള്‍ വാഹനത്തിന്‍റെ ഡ്രൈവർക്ക് തെരുവുനായയുടെ കടിയേറ്റു. കോഴിക്കോട് കണ്ണി പറമ്പിൽ ഇന്ന് വൈകിട്ട് നാലു മണിയോടെയാണ് സംഭവം.
ചാത്തമംഗലം നെച്ചൂളി തിരുവച്ചാലിൽ ബാബു (60) ആണ്‌ ആക്രമണത്തിന് ഇരയായത്. വാഹനത്തില്‍ നിന്ന് കുട്ടികളെ ഇറക്കുമ്പോള്‍ നായ ഓടി വന്ന് കടിക്കുകയായിരുന്നു. കാലിന് പരിക്കേറ്റ ബാബു കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലാണ്.
തെരുവുനായ കുറുകെ ചാടി; ബൈക്ക് മറിഞ്ഞ് അമ്മക്കും മകനും പരിക്ക്: കുറ്റ്യാടി വലിയ പാലത്തിന് സമീപത്ത് നായ കുറുകെ ചാടി ബൈക്ക് മറിഞ്ഞുണ്ടായ അപകടത്തിൽ അമ്മയ്ക്കും മകനും പരിക്കേറ്റു. പേരെത്ത് മല്ലിക (45), മകൻ രജിൽ എന്നിവര്‍ക്കാണ് പരിക്കേറ്റത്. തലയ്ക്ക് പരിക്കുപറ്റിയ മല്ലികയെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
Also Read:തെരുവുകള്‍ കൈയടക്കി ശുനകക്കൂട്ടം, ഭയന്ന് വിറച്ച് കേരളം
