വണ്ടിപെരിയാർ കേസ് അട്ടിമറിക്കാൻ ശ്രമം; എം.ടി രമേശ്

വാളയാർ കേസ് സർക്കാർ അട്ടിമറിക്കാൻ ശ്രമിച്ച അതേ രീതിയിലാണ് വണ്ടിപെരിയാർ കേസിലും സിപിഎം ശ്രമിക്കുന്നതെന്ന് എം.ടി രമേശ് ആരോപിച്ചു.

കോഴിക്കോട്: വണ്ടിപ്പെരിയാർ പീഡന കേസ് അട്ടിമറിക്കാൻ സർക്കാർ ശ്രമമെന്ന് ബിജെപി സംസ്ഥാന ജനറൽ സെക്രട്ടറി എം.ടി.രമേശ്. ഡിവൈഎഫ്ഐ പ്രവർത്തകനായ പ്രതിയെ സംരക്ഷിക്കാനാണ് ഇപ്പോൾ സിപിഎം ശ്രമിക്കുന്നത്. വാളയാർ കേസ് അട്ടിമറിക്കാൻ ശ്രമിച്ച അതേ മാർഗമാണ് വണ്ടിപ്പെരിയാറിലും സിപിഎം ശ്രമിക്കുന്നതെന്നും എം.ടി രമേശ് പറഞ്ഞു.

സാംസ്‌കാരിക നേതൃത്വത്തിൻ്റെ മൗനം കേരളത്തിന് അപമാനമാണ്. ഉത്തരേന്ത്യയിലേക്ക് നോക്കി പ്രതികരിക്കുന്നവർ കൺമുന്നിലെ ക്രൂരത കാണുന്നില്ലെന്നും ഇവർ കിട്ടുന്ന പണത്തിന് പ്രതികരിക്കുന്ന പെയ്‌ഡ് സാംസ്‌കാരിക നായകൻമാരാണെന്നും എംടി രമേശ് ആരോപിച്ചു.