മാഹിയിൽ നിന്ന് കാറിൽ കടത്തുകയായിരുന്ന വിദേശ മദ്യവുമായി ഒരാൾ അറസ്റ്റിൽ

വാഹന പരിശോധനക്കിടെയാണ് 180 മില്ലി ലിറ്ററിന്‍റെ 30 കുപ്പി മദ്യം കണ്ടെടുത്തത്.

കോഴിക്കോട്: മാഹിയിൽ നിന്ന് കാറിൽ കടത്തുകയായിരുന്ന 30 കുപ്പി വിദേശ മദ്യവുമായി ഒരാൾ അറസ്റ്റിൽ. വടകര മണിയൂർ സ്വദേശി കുഴിപറമ്പത്ത് വീട്ടിൽ സുനിൽ (46) നെയാണ് വടകര എക്സൈസ് പ്രിവന്‍റീവ് ഓഫീസർ പ്രമോദ് പുളിക്കൂലും സംഘവും അറസ്റ്റ് ചെയ്തത്.

കോഴിക്കോട് - കണ്ണൂർ ദേശീയ പാതയിൽ സ്വകാര്യ ആശുപത്രി പരിസരത്ത് വാഹന പരിശോധനക്കിടെയാണ് 180 മില്ലി ലിറ്ററിന്‍റെ 30 കുപ്പി മദ്യം കണ്ടെടുത്തത്.