ലോക്സഭാതെരഞ്ഞെടുപ്പ് പ്രചാരണത്തിനായുള്ള നയരൂപീകരണത്തിൽ ഭാഗമാകാൻ ദ്വിദിന സെമിനാർ സംഘടിപ്പിച്ച് മഹിളാ കോൺഗ്രസ്.കോട്ടയത്ത് ആരംഭിച്ച സെമിനാർ കേരളത്തിന്‍റെ ചുമതലയുളളദേശീയ സെക്രട്ടറി ചമൽ ഫർസാന ഉദ്ഘാടനം ചെയ്തു.സംസ്ഥാന ഭാരവാഹികളും ജില്ലാ പ്രസിഡന്‍റുമാർക്കും നിയോജക മണ്ഡലം പ്രസിഡന്‍റുമാർക്കുമായാണ് സെമിനാർ സംഘടിപ്പിച്ചിരിക്കുന്നത്.
സംസ്ഥാന അധ്യക്ഷ ലതികാസുഭാഷിന്‍റെ അധ്യക്ഷതയിലാണ് യോഗം ചേർന്നത്.നവഭാരത നിർമ്മാണത്തിനായി രാഹുൽഗാന്ധിയുടെ നേതൃത്വത്തിൽ പുതിയൊരു സർക്കാരിനെ അധികാരത്തിൽ എത്തിക്കാനുള്ള ശ്രമങ്ങളുമായി മഹിളാ കോൺഗ്രസ് മുന്നിട്ടിറങ്ങണമെന്ന് സെമിനാർ ഉദ്ഘാടനം ചെയ്ത് ചമൽ ഫർസാന പറഞ്ഞു.
