തിരുനക്കരയിലെ 'തൂശനില', സസ്യഭക്ഷണമാണോ പ്രിയം, പോകാം കഴിച്ചുനോക്കാം...

തിരുനക്കര ക്ഷേത്രത്തിന് മുന്നിലാണ് മിതമായ വിലയില്‍ നാടൻ ഭക്ഷണം എന്ന ആശയവുമായി തൂശനില എന്ന ഹോട്ടല്‍ ആരംഭിച്ചിരിക്കുന്നത്. വെജിറ്റേറിയൻ ഊണ്, നാടൻ പലഹാരങ്ങളായ ഇലയട, കൊഴുക്കട്ട എന്നിവയെല്ലാം ഇവിടെ തൂശനിലയില്‍ ലഭിക്കും

കോട്ടയം: കോട്ടയം നഗരത്തിലെത്തി നാടൻ സസ്യ ഭക്ഷണം കഴിക്കണമെന്ന് തോന്നിയാല്‍ പിന്നെ ഒന്നും നോക്കണ്ട... ഈ പേരില്‍ തന്നെയുണ്ട്... എല്ലാം... തൂശനില. തിരുനക്കര ക്ഷേത്രത്തിന് മുന്നിലാണ് മിതമായ വിലയില്‍ നാടൻ ഭക്ഷണം എന്ന ആശയവുമായി തൂശനില എന്ന ഹോട്ടല്‍ ആരംഭിച്ചിരിക്കുന്നത്. വെജിറ്റേറിയൻ ഊണ്, നാടൻ പലഹാരങ്ങളായ ഇലയട, കൊഴുക്കട്ട എന്നിവയെല്ലാം ഇവിടെ തൂശനിലയില്‍ ലഭിക്കും. ശിവം ജെഎൽജിയാണ് ഭക്ഷണ ശാലയുടെ നടത്തിപ്പുകാർ. സ്വയം സഹായ സംഘങ്ങളുടെ വിഭവങ്ങളുടെ വിൽപന ഉടൻ തുടങ്ങുമെന്നാണ് ഇവർ പറയുന്നത്. രാവിലെ 7 മുതൽ വൈകിട്ട് 7 വരെയാണ് പ്രവർത്തന സമയം.