കോട്ടയം: പി.സി തോമസ് ജനപിന്തുണയുള്ള നേതാവാണെന്ന്‌ മോൻസ് ജോസഫ് . പി.ജെ ജോസഫും പി.സി തോമസുമായി ഒന്നിക്കുന്നത് കേരള കോൺഗ്രസിന് കരുത്തുപകരും. അത് യുഡിഎഫിനും ശക്തി പകരും. എൻഡിഎയിൽ പോയെങ്കിലും പി.സി തോമസിനുള്ളത് കേരള കോൺഗ്രസ് പശ്ചാത്തലമാണ്. യഥാർഥ കേരള കോൺഗ്രസ് പി.ജെ ജോസഫിന്‍റേതാണെന്ന്‌ തെളിയിക്കുന്ന കാര്യങ്ങളാണ് അനുദിനവും നടക്കുന്നത്.
പി.സി തോമസ് ജനപിന്തുണയുള്ള നേതാവ്: മോൻസ് ജോസഫ്
എല്ലാവരും ജോസഫിന്‍റെ കേരള കോൺഗ്രസിലേക്കാണ് വന്നുകൊണ്ടിരിക്കുന്നതെന്നും മോൻസ് ജോസഫ് പറഞ്ഞു. ഇന്ന് ഉച്ചയ്ക്ക് രണ്ട്‌ മണിക്ക് കടുത്തുരുത്തിയിൽ നടക്കുന്ന ജോസഫ് വിഭാഗത്തിന്‍റെ തെരഞ്ഞെടുപ്പ് കൺവെൻഷനിൽ പി.സി തോമസ് പങ്കെടുക്കും. മുൻമുഖ്യമന്ത്രി ഉമ്മൻ ചാണ്ടി കൺവൻഷൻ ഉദ്ഘാടനം ചെയ്യും.
