കോട്ടയം : രാമപുരം ആറാട്ടുപുഴ തോട്ടില്‍ അമ്പാട്ട് ചെക്ക് ഡാമിന് സമീപം നീന്താനിറങ്ങിയ നഴ്‌സിങ് വിദ്യാര്‍ഥി മുങ്ങിമരിച്ചു. രാമപുരം മണ്ണൂര്‍ വില്‍സന്‍റിന്‍റെ മകന്‍ ഷാരോണ്‍(19) ആണ് മരിച്ചത്. മണിപ്പാല്‍ നഴ്‌സിങ് കോളജിലെ രണ്ടാംവര്‍ഷ വിദ്യാര്‍ഥിയാണ്.
ബുധനാഴ്‌ച (ജൂലൈ 14) വൈകുന്നേരം 5.30 നാണ് അപകടമുണ്ടായത്. സുഹൃത്തുക്കളുമായി ഇവിടെയെത്തിയ ഷാരോണ്‍ തോട്ടില്‍ ഇറങ്ങിയപ്പോള്‍ തന്നെ കുത്തൊഴുക്കില്‍പ്പെടുകയായിരുന്നു. കൂടെയുള്ളവര്‍ക്ക് നീന്തല്‍ അറിയാത്തതിനാല്‍ രക്ഷപ്പെടുത്താന്‍ കഴിയാതെ ബഹളംവച്ചു.
also read:മന്ത്രിസഭ യോഗം വ്യാഴാഴ്ച ചേരും ; ലോക്ക്‌ ഡൗൺ ഇളവുകൾ ചർച്ച
തുടർന്ന് ഓടിയെത്തിയ നാട്ടുകാരാണ് ഷാരോണിനെ കരയ്‌ക്കെത്തിച്ചത്. എന്നാൽ അപ്പോഴേക്കും മരണം സംഭവിച്ചിരുന്നു.മാതാവ് ബീന (നഴ്‌സ് കുവൈത്ത്),സഹോദരന്‍ ഷാലോണ്‍. സംസ്‌കാരം പിന്നീട്.
