കോട്ടയം: താൻ ബിജെപിയിലേക്ക് പോകുന്നു എന്ന വാർത്ത അടിസ്ഥാനരഹിതമെന്ന് പാലാ എംഎല്‍എ മാണി സി കാപ്പൻ. ഒരു കാരണവശാലും ബിജെപിയിലേക്ക് പോകില്ല. താൻ ബിജെപിയിലേക്ക് എന്ന് പറഞ്ഞ് സമൂഹമാധ്യമങ്ങളിൽ ചിലർ ആഘോഷമാക്കുകയാണെന്നും മാണി സി കാപ്പന്‍ പറഞ്ഞു.
ബിജെപിയിലേക്ക് പോകുന്നു എന്ന വാർത്ത അടിസ്ഥാനരഹിതമെന്ന് മാണി സി കാപ്പന്‍
ഈ വിഷയത്തിൽ താൻ മറുപടി പറയാൻ വൈകിയത് അസുഖബാധിതനായി ആശുപത്രിയിലായിരുന്നതിനാലാണ്. കെപിസിസി പ്രസിഡൻ്റ് കെ സുധാകരനെതിരെ സംസാരിച്ചിട്ടില്ല. കെ സുധാകരനുമായിട്ട് ഏറെ വർഷത്തെ ആത്മബന്ധമാണ് തനിക്കുള്ളതൊന്നും കാപ്പൻ പാലായിൽ പറഞ്ഞു.
