കോട്ടയം : തീവണ്ടിക്ക് മുന്നിൽ ചാടി യുവാവ് ആത്മഹത്യ (Suicide) ചെയ്‌തു. പള്ളിക്കത്തോട് ആനിക്കാട് വെസ്റ്റ് മുകളേൽ ത്രയീശം വീട്ടിൽ ഹരികൃഷ്ണൻ പത്മനാഭ(37)നാണ് ജീവനൊടുക്കിയത്. കോട്ടയത്ത് ഇരുചക്ര വാഹന ഷോറൂം ജനറൽ മാനേജറായിരുന്നു. ചൊവ്വാഴ്ച രാവിലെ 10 നാണ് സംഭവം.
മുട്ടമ്പലം റെയിൽവേ ക്രോസില്‍ കാര്‍ പാര്‍ക്ക് ചെയ്ത്, വാഹനത്തിന്‍റെ താക്കോൽ അടുത്തുള്ള വീട്ടുകാരെ ഏൽപ്പിച്ചു. തുടര്‍ന്ന് ഭാര്യയോട് മൊബൈല്‍ ഫോണിൽ സംസാരിച്ച് റെയിൽവേ ട്രാക്കിലേക്ക് നടന്നു. ട്രെയിൻ എത്തിയപ്പോൾ ഇദ്ദേഹം എടുത്തുചാടിയെന്നുമാണ് വിവരം. ഈസ്റ്റ് പൊലീസ് സംഘം സ്ഥലത്ത് എത്തി ഇൻക്വസ്റ്റ് അടക്കമുള്ള നടപടികൾ പൂർത്തിയാക്കി.
ALSO READ: Sabarimala : പത്തനംതിട്ടയില്‍ വിവിധ ഭാഗങ്ങളിലേക്കുള്ള വഴികള്‍ പുനസ്ഥാപിച്ചു
മൃതദേഹം മോർച്ചറിയിലേയ്ക്ക് മാറ്റി. വിശദമായ അന്വേഷണം നടത്തുമെന്ന് ഈസ്റ്റ് സ്‌റ്റേഷൻ ഹൗസ് ഓഫിസർ ഇൻസ്പെക്ടർ റെജോ പി ജോസഫ് പറഞ്ഞു. പരേതനായ പത്മനാഭൻ നായരാണ് പിതാവ്. ലക്ഷ്‌മിയാണ് ഹരികൃഷ്ണന്‍റെ ഭാര്യ. രണ്ട് മക്കളുണ്ട്.
