കോട്ടയം: 17കാരിയെ പീഡിപ്പിച്ച് ഗര്‍ഭിണിയാക്കിയതില്‍ അറസ്റ്റിലായ യുവാവ് ഇതേ പെണ്‍കുട്ടിയുടെ സഹോദരിയെ പീഡിപ്പിച്ച് ഗര്‍ഭിണിയാക്കിയ കേസില്‍ പിടിയില്‍. പ്രതിയായ പാല സ്വദേശി ജിഷ്‌ണുവിനെതിരെ (31) പൊലീസ് പോക്‌സോ കുറ്റം ചുമത്തി. രണ്ടാഴ്‌ച മുന്‍പാണ് പെണ്‍കുട്ടി ഗര്‍ഭിണിയാണെന്ന രഹസ്യവിവരം ലഭിച്ചത്.
തുടര്‍ന്ന് പാലാ ഡി.വൈ.എസ്.പി ഷാജു ജോസ് നടത്തിയ അന്വേഷണത്തിലാണ് സംഭവം വ്യക്തമായത്. തുടർന്ന് മേലുകാവ് സി.ഐ ജോസ് കുര്യന്‍റെ നേതൃത്വത്തില്‍ അന്വേഷണം ഊര്‍ജിതമാക്കുകയും പ്രതി ജിഷ്‌ണുവിനെ അറസ്റ്റ് ചെയ്യുകയുമായിരുന്നു. പാലാ ഡി.വൈ.എസ്.പി ഷാജു ജോസിന്‍റെ നേതൃത്വത്തില്‍ വിശദമായി ചോദ്യം ചെയ്‌തശേഷം പ്രതിയെ ഇന്ന് കോടതിയില്‍ ഹാജരാക്കി.
ALSO READ: സ്‌കൂളിലേയ്ക്ക് പോയ 14കാരിയെ പീഡിപ്പിച്ചു; 52കാരന്‍ പിടിയില്‍
മൂന്ന് വര്‍ഷം മുന്‍പാണ് ആദ്യത്തെ കേസിസിനാസ്‌പദമായ സംഭവം നടന്നത്. അറസ്റ്റിലായ പ്രതി പിന്നീട് ജാമ്യത്തില്‍ ഇറങ്ങി പീഡനത്തിനിരയായ പെണ്‍കുട്ടിയോടൊപ്പമാണ് താമസിക്കുന്നത്. ഈ കേസിൻ്റെ വിചാരണ കോട്ടയം കോടതിയില്‍ നടന്നുവരികയാണ്. രണ്ടാഴ്‌ച മുന്‍പും ഇതിന്‍റെ വാദം ഉണ്ടായിരുന്നു.
അന്ന് പീഡനത്തിന് ഇരയായ പെൺകുട്ടിയ്ക്ക്‌ ജനിച്ച കുട്ടിക്കിപ്പോള്‍ രണ്ടുവയസുണ്ട്. കേസില്‍ നിന്ന് രക്ഷപെടുന്നതിന് വേണ്ടിയാണ് ഇയാള്‍ പീഡനത്തിനിരയായ പെണ്‍കുട്ടിയോടൊപ്പം ഭര്‍ത്താവ് എന്ന മട്ടില്‍ കഴിയുന്നതെന്ന് പൊലീസ് പറയുന്നു.
