പാലായിൽ ചോർന്ന വോട്ട് ഒഴുകിയെത്തിയത് കാപ്പനിലേക്കെന്ന് മോൻസ് ജോസഫ്

'കെ.എം. മാണിയെ കുറിച്ച് ഒന്നും പറഞ്ഞിട്ടില്ലെന്ന് എൽഡിഎഫ് വിശദീകരിക്കുന്നത് രക്ഷപ്പെടാൻ വേണ്ടി'

കോട്ടയം : പാലായിൽ വോട്ട് ചോർന്നെന്ന സിപിഎം റിപ്പോർട്ട് അത്ഭുതപ്പെടുത്തുന്നുവെന്ന് മോൻസ് ജോസഫ് എംഎൽഎ. പാലായിലെ ജനങ്ങളുടെ വോട്ട് ചോർന്നിട്ടുണ്ട്. അത് മാണി സി കാപ്പനിലേക്ക് ഒഴുകിയെത്തി. അതിൽ പഠനത്തിന്‍റെ ആവശ്യമില്ലെന്നും അദ്ദേഹം കടത്തുരുത്തിയിൽ പറഞ്ഞു.

കെ.എം. മാണിയെ കുറിച്ച് ഒന്നും പറഞ്ഞിട്ടില്ലെന്ന് എൽഡിഎഫ് ആണയിടുന്നത് രക്ഷപ്പെടാൻ വേണ്ടിയാണെന്നും ഇത് സമൂഹം ഒരിക്കലും അംഗീകരിക്കില്ലെന്നും അദ്ദേഹം പറഞ്ഞു.

മാണി അഴിമതിക്കാരനാണെന്ന് കോടതിയിൽ രേഖപ്പെടുത്തിയിട്ടും തിരുത്തലിന് തയ്യാറാകാൻ ജോസ് കെ മാണിയും കൂട്ടരും തയ്യാറായില്ല. അധികാരത്തേക്കാൾ വലുത് ആത്മാഭിമാനമാണെന്ന് അവർ മനസിലാക്കണമെന്നും മോൻസ് വ്യക്തമാക്കി.