കോട്ടയം: കോട്ടയം അയര്‍ക്കുന്നത്ത് നായയെ കാറില്‍ കെട്ടിവലിച്ച് ക്രൂരത. ജൂലൈ 25ന് പുലര്‍ച്ചെ 6.30 ന് ചേന്നാമറ്റം - താളിക്കല്ല് റോഡിലാണ് സംഭവം. ഇതിന്‍റെ സി.സി.ടി.വി ദൃശ്യങ്ങള്‍ പുറത്തുവന്നു. ചേന്നാമറ്റം ഭാഗത്തുനിന്ന് എത്തിയ കാർ താളിക്കല്ല് കവലയിൽ എത്തിയതോടെ വാഹനത്തിന് പിന്‍ഭാഗത്ത് നായയെ കെട്ടിയിട്ട നിലയിൽ പ്രദേശവാസികളുടെ ശ്രദ്ധയില്‍ പെടുകയായിരുന്നു.
തുടര്‍ന്ന് പൊലീസ് അന്വേഷണം ആരംഭിക്കുകയായിരുന്നു. കാർ ഓടിച്ചത് യുവാവാണെന്ന് സമീപവാസികള്‍ പറയുന്നു. ലോക്ക്ഡൗണ്‍ ആയതിനാല്‍ കവലയിൽ ആളുകൾ കുറവായിരുന്നു. സി.സി.ടി.വി ദൃശ്യങ്ങൾ ലഭിച്ചതിനെ തുടര്‍ന്ന് പൊലീസ് വാഹനം തിരിച്ചറിയാനായി ശ്രമം തുടങ്ങി.
നേരത്തെ, എറണാകുളം ചെങ്ങമനാടിൽ കാറിന് പുറകിൽ വളർത്തുനായയെ കെട്ടിവലിച്ച ക്രൂരതയ്ക്ക് സമാനമായ സംഭവമാണ് അയർക്കുന്നത്തുമുണ്ടായത്.
ALSO READ: കാട്ടാന ശല്യം രൂക്ഷം; സമരത്തിനൊരുങ്ങി പിണ്ടിമന നിവാസികൾ
