കൊല്ലം : നാലുപേര്‍ ചേര്‍ന്നാണ്, കേരളപുരം പെനിയേൽ സ്കൂളിന് സമീപം കോട്ടൂർവീട്ടിൽ സുനിൽകുമാറിനെ (39) വെട്ടിക്കൊലപ്പെടുത്തിയതെന്ന് സൂചന. നാലുപേര്‍ വീട്ടില്‍ നിന്ന് ഇറങ്ങിയോടുന്നത് കണ്ടെന്ന അയല്‍വാസിയുടെ മൊഴിയാണ് നിര്‍ണായകമായത്.
തിങ്കളാഴ്‌ച അർധരാത്രിയോടെയായിരുന്നു കൊലപാതകം. ബഹളംകേട്ട് വീട്ടിലെത്തിയ അയൽവാസിയാണ് വെട്ടേറ്റ് ചോരവാർന്ന നിലയിൽ സുനിലിനെ കണ്ടത്. ഭാര്യയുമായി പിരിഞ്ഞ് ഒറ്റയ്ക്ക് താമസിക്കുകയായിരുന്നു സുനില്‍.
ALSO READ: ലൈംഗികാധിക്ഷേപം: 'ഹരിത'യുടെ പരാതിയിൽ എംഎസ്എഫ് നേതാക്കൾക്കെതിരെ കേസ്
പരിക്കേറ്റ സുനിൽകുമാറിനെ ആശുപത്രിയിലെത്തിച്ചെങ്കിലും രക്ഷിക്കാനായില്ല. കഴുത്തിലും മുതുകിലും മാരകമായി വെട്ടേറ്റിരുന്നു. കുണ്ടറ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
ഫോറൻസിക് വിദഗ്‌ധരും ഡോഗ് സ്ക്വാഡും സംഭവസ്ഥലത്ത് പരിശോധന നടത്തി. പ്രതികളെക്കുറിച്ച് ഇതുവരെ പൊലീസിന് സൂചന ലഭിച്ചിട്ടില്ല.
