കൊല്ലം: കൊല്ലം ഉളിയക്കോവിലില്‍ വീടിനുള്ളിൽ സൂക്ഷിച്ച 33 കിലോ കഞ്ചാവുമായി രണ്ടുപേര്‍ എക്സൈസിന്‍റെ പിടിയില്‍. ഉളിയക്കോവിൽ സ്വദേശി നവാസ്, താമരക്കുളം സ്വദേശി സുധീർ എന്നിവരെയാണ് എക്സൈസ് അറസ്റ്റ് ചെയ്‌തത്. മുഖ്യ പ്രതിക്കായി തെരച്ചിൽ തുടരുന്നു.
എക്സൈസ് ഡെപ്യൂട്ടി കമ്മിഷണര്‍ പ്രതികരിക്കുന്നു
കൊല്ലം ഉളിയക്കോവിൽ കച്ചികടവ് ജങ്‌ഷനിലുള്ള വീട്ടുവളപ്പില്‍ നിന്നാണ് കഞ്ചാവ് പിടികൂടിയത്. കഞ്ചാവ് ചാക്കിലാക്കി ഓലകൊണ്ട് മറച്ച് സൂക്ഷിച്ചിരിക്കുകയായിരുന്നു. മലക്കറി എന്ന വ്യാജേനെ ആന്ധ്രയില്‍ നിന്നാണ് കഞ്ചാവ് കടത്തിയതെന്ന് പ്രതികൾ എക്സൈസിനോട് പറഞ്ഞു.
നഗരം കേന്ദ്രീകരിച്ച് പ്രവർത്തിക്കുന്ന മയക്കുമരുന്ന് മാഫിയ സംഘത്തിലെ കണ്ണികളാണ് പിടിയിലായതെന്ന് എക്സൈസ് പറഞ്ഞു. മുഖ്യ പ്രതിക്കായി എക്സൈസ് അന്വേഷണം ഊര്‍ജ്ജിതമാക്കി.
Also read: കോട്ടയത്ത് വൻ കഞ്ചാവ് വേട്ട; അസം സ്വദേശിയിൽ നിന്ന് പിടികൂടിയത് എട്ട് കിലോ കഞ്ചാവ്
