കൊല്ലം : പിടികൂടാൻ ശ്രമിക്കുന്നതിനിടെ അക്രമം അഴിച്ചുവിട്ട പ്രതിയ്ക്ക് പൊലീസിൻ്റെ വെടിയേറ്റു. നിരവധി കേസുകളിലെ പ്രതിയായ പുനലൂർ പ്ലാച്ചേരി സ്വദേശി മുകേഷിനാണ് പരിക്കേറ്റത്. കൊല്ലം പത്തനാപുരത്താണ് സംഭവം. 25ലേറെ കേസുകളിൽ പ്രതിയായ മുകേഷ് വീട്ടിലുള്ളതായി വിവരം ലഭിച്ചതോടെ പത്തനാപുരം പൊലീസ് ഞായറാഴ്ച പുലർച്ചെയോടെ ഇയാളെ പിടികൂടാൻ എത്തിയതായിരുന്നു. പൊലീസിനെ കണ്ട പ്രതി കത്തി വീശി. ഇതോടെ സ്വയരക്ഷയ്ക്കായി പൊലീസ് തോക്കെടുത്തു. പിടിവലിക്കിടെ തോക്കിൽ നിന്ന് വെടിപൊട്ടുകയും മുകേഷിൻ്റെ മുഖത്തേൽക്കുകയുമായിരുന്നു.
ALSO READ:അമേരിക്കയിലെ ചികിത്സയ്ക്ക് ശേഷം മുഖ്യമന്ത്രി തിരിച്ചെത്തി
പരിക്കേറ്റ മുകേഷിനെ പുനലൂർ താലൂക്ക് ആശുപതിയിൽ പ്രവേശിപ്പിച്ചു. പ്രതിയെ പിടികൂടാനെത്തിയ എസ്.ഐ അരുൺ കുമാറടക്കം നാല് പൊലീസുകാർക്കും പരിക്കേറ്റിട്ടുണ്ട്. ആഴത്തിലുള്ള മുറിവില്ലെന്ന് ആശുപത്രി വൃത്തങ്ങൾ അറിയിച്ചു. സംഭവത്തിൽ പൊലീസ് കൂടുതൽ അന്വേഷണം ആരംഭിച്ചിട്ടുണ്ട്.
