കൊല്ലം പത്തനാപുരത്ത് രണ്ടാംക്ലാസ് വിദ്യാർഥിനിയെ പീഡിപ്പിച്ച അയൽവാസി അറസ്റ്റിൽ. കടയ്ക്കാമൺ അംബേദ്ക്കർ കോളനിയിൽ 21 കാരനായ അരുൺ കുമാറാണ് പിടിയിലായത്.
കഴിഞ്ഞ ദിവസം സ്കൂളിലെത്തിയ കുട്ടി അസ്വസ്ഥത പ്രകടിപ്പിച്ചതിനെ തുടർന്ന് അധ്യാപകർ കാര്യങ്ങൾ തിരക്കിയപ്പോഴാണ് പീഡന വിവരം പുറംലോകമറിയുന്നത്. ഉടൻ തന്നെ അധ്യാപകർ പത്തനാപുരം പൊലീസിൽ വിവരം അറിയിക്കുകയായിരുന്നു. തുടർന്ന് പൊലീസ് എത്തി പെൺകുട്ടിയുടെ മൊഴി രേഖപ്പെടുത്തുകയും പോക്സോ നിയമപ്രകാരം കേസെടുക്കുകയും ചെയ്തു. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.
പെൺകുട്ടിയുടെ വീട്ടിലെ നിത്യസന്ദർശകനും അയൽവാസിയുമായ അരുൺ കുട്ടിയുടെ അമ്മയുടെ കാമുകനുമായിരുന്നു. കൊലപാതക കേസിൽ പ്രതിയായ പെൺകുട്ടിയുടെ അച്ഛൻ ജയിലിലായതോടെയാണ് ഇയാൾ വീട്ടിൽ നിത്യ സന്ദർശകനായത്. പെൺകുട്ടിയെ നിരവധി തവണ ശാരീരികമായി പീഡിപ്പിച്ചിരുന്നതായി ചോദ്യം ചെയ്യലിൽ പ്രതി സമ്മതിച്ചു. കുട്ടിയുടെ അമ്മയുടെ അറിവോടെയാണോ പീഡനങ്ങൾ നടത്തി വന്നതെന്നും അന്വേഷിക്കുന്നുണ്ട്. പ്രതി മദ്യത്തിനും കഞ്ചാവിനും അടിമയാണെന്ന് നാട്ടുകാർ പറയുന്നു. പ്രായപൂർത്തിയാകാത്ത മറ്റൊരാൾ കൂടി പെൺകുട്ടിയെ പീഡിപ്പിച്ചിട്ടുണ്ട്. അയാളെ പറ്റിയും അന്വേഷണം ആരംഭിച്ചു. പ്രതി മദ്യത്തിനും കഞ്ചാവിനും അടിമയാണെന്ന് നാട്ടുകാർ പറയുന്നു.
