കൊല്ലം: സ്വന്തം കുതിരകളുടെ ആരോഗ്യവും ഗർഭധാരണവും ശൂരനാട് പതാരം തുണ്ടിൽ വീട്ടിൽ റഷീദിനെ ചെറുതൊന്നുമല്ല വിഷമിപ്പിച്ചത്. നിരവധി പരിശോധനകൾക്ക് ശേഷവും റഷീദീന്‍റെ സാന്റിയും റാണിയും ഗർഭം ധരിച്ചോ എന്ന കാര്യത്തില്‍ തീരുമാനമായില്ല. ഒടുവിലാണ് കൊല്ലം ജില്ലാ വെറ്ററിനറി കേന്ദ്രത്തിലെ ടെലി വെറ്ററിനറി സർവീസ് യൂണിറ്റിനെ കുറിച്ച് അറിഞ്ഞത്. അവിടെയെത്തി കാര്യം പറഞ്ഞപ്പോൾ മൃഗസംരക്ഷണവകുപ്പ് അസിസ്റ്റൻറ് ഡയറക്ടർ ഡോ. ഡി ഷൈൻ കുമാറിന്‍റെ നേതൃത്വത്തില്‍ യൂണിറ്റ് റെഡിയായി. അവർ പതാരത്തെത്തി പരിശോധന നടത്തി റഷീദിന്‍റെ സാന്‍റിക്കും റാണിക്കും ഗർഭമില്ല എന്ന് സ്ഥിരീകരിച്ചു.
കുതിരകളുടെ ഗർഭപരിശോധനയ്ക്ക് അത്യാധുനിക മാർഗങ്ങളുമായി ടെലി വെറ്ററിനറി സർവീസ്
