കൊല്ലം: മദ്രാസ് ഹൈക്കോടതിയുടെ ഇടപെടലിൽ സന്തോഷവും പ്രതീക്ഷയും ഉണ്ടെന്ന് ഫാത്തിമയുടെ പിതാവ് അബ്ദുൾ ലത്തീഫ്. ഈ സാഹചര്യം പ്രധാനമന്ത്രിയെ നേരിൽ കാണുമ്പോൾ ധരിപ്പിക്കും. അന്വേഷണം പൂർത്തിയാക്കി പ്രതികളെ പിടികൂടുമെന്ന തമിഴ്നാട് അന്വേഷണ സംഘത്തിന്‍റെ ഉറപ്പ് അവർ പാലിക്കുമെന്ന് വിശ്വസിക്കുന്നുവെന്നും അദ്ദേഹം പറഞ്ഞു. അവർ പറഞ്ഞ സമയത്തിന് ശേഷവും നീതി ലഭിച്ചില്ലെങ്കില്‍ തന്റെ മകളുടെ മരണത്തെ സംബന്ധിക്കുന്ന കൂടുതൽ തെളിവുകൾ മാധ്യമങ്ങളിലൂടെ പുറത്തു വിടുമെന്നും ലത്തീഫ് പറഞ്ഞു. മകളുടെ മരണത്തിന്‍റെ ദുരൂഹത നീക്കണമെന്നാവശ്യപ്പെട്ടാണ് ലത്തീഫും കുടുംബവും ഇന്ന് പ്രധാനമന്ത്രിയുമായി കൂടിക്കാഴ്ച നടത്തുന്നത്.
മദ്രാസ് ഹൈക്കൈടതിയുടെ ഇടപെടലിൽ പ്രതീക്ഷയെന്ന് ഫാത്തിമയുടെ പിതാവ്
