കൊല്ലം : അനാഥാലയത്തിൽ വയോധികയ്ക്ക് മർദ്ദനമേറ്റ സംഭവത്തിൽ (inmate assault) അഞ്ചലിലെ അർപ്പിത സ്നേഹാലയത്തിൽ (anchal orphanage) സാമൂഹ്യനീതി വകുപ്പ് ഓഫിസർ മിന്നൽ പരിശോധന (social justice department inspection) നടത്തി. വിവിധ വകുപ്പുകളിലെ ഉദ്യോഗസ്ഥർക്കൊപ്പമാണ് സാമൂഹ്യനീതി വകുപ്പ് ഓഫിസർ അർപ്പിത സ്നേഹാലയത്തിലെത്തിയത്.
പരിശോധനയില്‍ അനാഥാലയം അനധികൃതമായാണ് പ്രവർത്തിച്ചുവന്നിരുന്നതെന്ന് കണ്ടെത്തി. രജിസ്ട്രേഷൻ നടത്തുകയോ, ലൈസൻസ് സമ്പാദിക്കുകയോ ചെയ്‌തിട്ടില്ലാത്ത സ്ഥാപനത്തിലെ അന്തേവാസികളുടെ വിവരങ്ങൾ പോലും രേഖാമൂലം സൂക്ഷിച്ചിരുന്നില്ലെന്നും കണ്ടെത്തി. രജിസ്ട്രേഷനായി സാമൂഹ്യനീതി വകുപ്പിൽ അപേക്ഷ പോലും നൽകിയിരുന്നില്ല.
Also read: ഭർതൃപിതാവിനെ പാരകൊണ്ട് തലയ്ക്കടിച്ച് കൊല്ലാന്‍ ശ്രമം ; മരുമകള്‍ അറസ്റ്റില്‍
അർപ്പിത സ്നേഹാലയത്തിലെ അന്തേവാസികളെ സുരക്ഷിത സ്ഥാനങ്ങളിലേക്ക് മാറ്റിപ്പാർപ്പിക്കുമെന്നും സ്ഥാപന നടത്തിപ്പുകാരനെതിരെ ശക്തമായ നടപടി കൈക്കൊള്ളുമെന്നും സാമൂഹ്യനീതി വകുപ്പ് ഓഫിസർ കെ.കെ ഉഷ പറഞ്ഞു. പുനലൂർ ആർഡിഒ ശശികുമാർ, ഓർഫനേജ് കണ്‍ട്രോള്‍ ബോർഡ് അംഗം ഡോ പുനലൂർ സോമരാജൻ എന്നിവരും സാമൂഹ്യനീതി വകുപ്പ് ഓഫിസർക്കൊപ്പമുണ്ടായിരുന്നു.
അർപ്പിത സ്നേഹാലയത്തിലെ ക്രമക്കേടുകളും അന്തേവാസികളെ മർദിച്ച സംഭവവും അന്വേഷിക്കണമെന്നും സ്ഥാപന നടത്തിപ്പുകാരനെ ഉടൻ അറസ്റ്റുചെയ്യണമെന്നും ആവശ്യപ്പെട്ട് ഡിവൈഎഫ്ഐ, എഐവൈഎഫ് പ്രവർത്തകർ അർപ്പിത സ്നേഹാലയത്തിന് മുന്നിൽ പ്രതിഷേധം സംഘടിപ്പിച്ചു.
