കാസർകോട്: തെരഞ്ഞെടുപ്പില്‍ ആര്‍എസ്എസിന്‍റെയും ബിജെപിയുടെയും വോട്ട് യുഡിഎഫിന് വേണ്ടെന്ന് യുഡിഎഫ് കണ്‍വീനര്‍ എം.എം ഹസന്‍. തലശേരിയിലും ഗുരുവായൂരിലുമെല്ലാം ബിജെപി-സിപിഎം ധാരണയാണ്. പല മണ്ഡലങ്ങളിലും ഇത് തെളിയുന്നെന്നും ഹസൻ പറഞ്ഞു.
ആര്‍എസ്എസിന്‍റെയും ബിജെപിയുടെയും വോട്ട് യുഡിഎഫിന് വേണ്ട: എം.എം ഹസന്‍
ഇടത് ഭരണത്തിനെതിരെ ഇത്തവണ ജനവിധിയുണ്ടാകുമെന്നിരിക്കെയാണ് പെയ്‌ഡ് സര്‍വേകളുമായി മാധ്യമങ്ങള്‍ കടന്നു വരുന്നത്. കൗശലക്കാരായ കൈ നോട്ടക്കാരന്‍റെ റോളിലാണ് മാധ്യമങ്ങള്‍. പെയ്‌ഡ് സര്‍വേ ആണ് കേരളത്തില്‍ നടക്കുന്നതെന്നും പരസ്യം വാങ്ങിയതിന്‍റെ നന്ദിയാണ് മാധ്യമങ്ങള്‍ കാണിക്കുന്നത്. ഇതാണോ മാധ്യമ ധര്‍മമെന്നും അദ്ദേഹം ചോദിച്ചു.
