കാസര്‍കോട് : വെള്ളരിക്കുണ്ട് കൂരാംകുണ്ടിൽ റിട്ടയേര്‍ഡ് അധ്യാപികയെ ഒഴുക്കില്‍പ്പെട്ട് കാണാതായി. കൂരാംകുണ്ട് സ്വദേശി രവിയുടെ ഭാര്യ ലതയാണ് വീടിന് സമീപമുള്ള തോട്ടില്‍ ഒഴുക്കിൽപ്പെട്ടത്. ഇവര്‍ക്കായി വെള്ളരിക്കുണ്ട് പൊലീസും പെരിങ്ങോം ഫയർഫോഴ്‌സും ചേർന്ന് തിരച്ചിൽ നടത്തിവരികയാണ്.
വെള്ളരിക്കുണ്ട് താലൂക്കിൽ ഇന്ന് (03-08-2022) പുലർച്ചെ മുതൽ കനത്ത മഴ പെയ്തിരുന്നുവെങ്കിലും നിലവില്‍ അല്‍പം ശമനമുണ്ട്. അതേസമയം, മരുതോം വനമേഖലയിൽ ഉരുൾപൊട്ടിയതോടെ പുഴകളും തോടുകളും നിറഞ്ഞുകവിഞ്ഞു. മിക്കയിടങ്ങളിലും ചെറു പാലങ്ങള്‍ വെള്ളത്തിനടിയിലാണ്.
കാസർകോട് കൂരാംകുണ്ടിൽ റിട്ട.അധ്യാപികയെ ഒഴുക്കിൽപ്പെട്ട് കാണാതായി ; തിരച്ചിൽ തുടരുന്നു
ഞാണിക്കടവ് പാലം, കാര്യാട്ട് ചാൽ, മാലോം ടൗൺപാലം എന്നിവടങ്ങളിലെല്ലാം വെള്ളം കയറിയ നിലയിലാണ്. ഇതേത്തുടര്‍ന്ന് മലയോര ഹൈവേയിൽ മരുതോം ചുരം വഴിയുള്ള യാത്ര തടസപ്പെട്ടുന്നുണ്ട്.
